«كاسپي» تاۋار بيرجاسىندا اگروونەركاسىپتىك جانە حيميالىق سەكتورلار ءۇشىن ستراتەگيالىق ماڭىزدى ءونىم — تەحنيكالىق تۇيىرشىكتەلگەن كۇكىرتتىڭ ساۋداسى ۇيىمداستىرىلدى.
كۇكىرت نەگىزگى ەكسپورتتىق تاۋارلاردىڭ ءبىرى جانە تىڭايتقىشتار, كۇكىرت قىشقىلى وندىرىسىندە جانە مۇناي-حيميا سالاسىندا كەڭىنەن قولدانىلادى. بۇل رەسۋرستىڭ بيرجالىق ساۋداسى باعانىڭ اشىقتىعىن ارتتىرادى جانە بارلىق ويىنشىلار ءۇشىن تەڭ جاعدايلارى بار تۇراقتى نارىقتى قالىپتاستىرۋعا ىقپال ەتەدى.
«قوس اۋكتسيون رەجيمىندە كۇكىرت ساۋداسىن باستاۋ – بۇل ونەركاسىپتىك تاۋارلاردىڭ بيرجالىق ساۋداسىن دامىتۋداعى ماڭىزدى قادام. ءبىز ءاربىر تاۋار ادال جانە اشىق ساتىلاتىن, ال وندىرۋشىدەن سوڭعى تۇتىنۋشىعا دەيىنگى بارلىق نارىق قاتىسۋشىلارى ءادىل باعاعا تەڭ قول جەتكىزە الاتىن ينفراقۇرىلىمدى قالىپتاستىرۋدى جالعاستىرا بەرەمىز», – دەپ اتاپ ءوتتى «كاسپي» تاۋار بيرجاسى» اق پرەزيدەنتى مۇرات قاديسوۆ.